JAM  I  DASHURUAR  ME  POEZINË

Poezia është balsami i shpirtit tim

Prandaj e adhuroj dhe e dua kaq shumë,

Sepse ajo më fal, veç kënaqësi e gëzim

Ajo plotëson gjithçka, që mungon tek unë.

Nuk i lexoj thjesht për kureshtje e kënaqësi,

Por dua të futem thellë në botën e tyre,

Se bota e poezisë është si deti me pafundësi,

Një thesar i vërtetë plot diamante e xhevahire.

Poezia ma rrëmben shpirtin e më bën për vete,

Çdo fjalë e çdo varg të saj, e përjetoj,

Ato janë plot nektar, prandaj më kalojnë në dehje

Prandaj çdo poezi, disa herë unë e  rilexoj.

Më pëlqen shumë muza dhe shpirti i poetëve,

Se botën e ndjenjave e shprehin të vargëzuar,

Sepse ata nuk shkruajnë poezi  vetëm për vete,

Në vargjet e tyre shpesh, gjejmë shpirtin tonë të trazuar