SHQIPONJA

Në malet e lartë që takojnë retë

një shqiponjë erdhi të ndërtojë folenë,

male e lugina dhe lumenj të gjatë

pyje pa mbarim me drurë të lartë.

Ngado që kish shkuar, e  ç’i  kish parë syri,

vendi që kish gjetur, ishte më i miri,

dhe ja nisi punës të ndërtojë folenë,

në një xhep të shkëmbit, përmbi një humnerë.

Kjo që po tregoj, ka ndodhur vërtetë,

para shume kohësh, me mijëra vjet,

qysh nga ajo kohë shqiponjat u shtuan,

në male të tjerë, foletë ndërtuan.

Nga emri i tyre, ky vend emrin mori,

emrin  Shqipëri vendi trashëgoi,

vend shqiponjash mbeti, ashtu siç ka qenë,

e kemi të shtrenjtë se e kemi Nënë.

Përherë e bukur krenare qëndron,

buzë Adriatikut, buze detit Jon,

në, brezi i sotëm dhe brezat që vijnë,

ta mbrojmë e ta duam, Nënë Shqipërinë.