FJALËS  NËNË  I  QOFSHIM  FALË

Yll i bukur lart në qiell çdo mbrëmje kur të vështroj,

Të dalloj mes mijëra yjesh, e zgjas dorën të të takoj,

Është e kotë, është e pamundur, ndaj më zili të shikoj

Por unë prapë ndjehem i lumtur, kur me ty nis  e ” bisedoj”.

Kush ta jep atë shkëlqim,atë drite të argjendtë

Nga mbrëmja gjer në agim, kush e ndriçon trupin tënd ?

- Dritën ma jep nëna ime, ajo që emrin e ka Hënë,

më jep jetë e rrezatime, prandaj unë e quaj Nene.

Pa më thuaj o’ yll im, si është sonte nëna ime,

Atje e kam shpirtin tim, ditë e natë gjer në agime,

Fjala nënë ka peshë të madhe, ajo mbulon botën mbarë,

Gjithë qiejt dhe oqeanet, fjalës Nënë, i qofshim falë.

Kam shumë mall e dashuri, si gjithkush për nënën e vet

Para saj ndjehem fëmijë,  sepse Ajo, më solli në jetë,

Prandaj dua ta  kem pranë, ta puth e ta përqafoj,

Por ajo s’më vjen në Tirane, që më mua të jetoj.

T’i shërbej më dorën time, t’i puth duart e ta pushtoj

T’i prek faqet, t’i prek thinjat,e zërin e saj të dëgjoj,

O nëna ime e dashur, të kam  më të madhen dashuri,

Ç’fat të keq që paskam patur,që jetoj kaq larg nga Ty …!