SI NJË KALORËS FISNIK  BETEJASH 

   (Kushtuar Mësuesit të Popullit Lame Xhama)

Si një kalorës fisnik  betejash e si  trim luftove

Por jo me harqe e shpata të kohërave primitive,

Me mendjen e penën tënde  betejat ti  i fitove

Në ato vite të vështira , në ato vite lufte e stuhie.

Ende pa u rritur mirë dhe akoma pa u  burrëruar

Fati  i keq, me vështirësitë e jetës e të kohës të ndeshi,

Por etja për liri, për dije, për të punuar e për të mësuar

Asnjëherë në mendjen e në zemrën tënde nuk reshti.

Edhe pse ishe akoma fëmijë e si hyzmeqar ti punoje

Në shpirt e në mëndje kishe vetëm një qëllim,

Shkollën e arsimimnin me çdo kusht doje ti vazhdoje

Se lirinë dhe shkollimin i shikoje si të vetmin shpëtim.

Pasi mbarove shkollën Normale e mësues u emërove

Fillove profesionin e nderuar që aq shumë e deshe,

Me ndërgjegje të lartë e përkushtim kudo punove

Nxënës, prindër e kolegë i bëre miq, i bëre për vete.

Vitet e luftës, ishin  vite të rënda e shumë të vështira

Por kalorësi  legjendar nuk e ndalte dot më revanin,

Se Atdheu kërkonte pavarësinë e lirinë e ditë më të mira

Ndaj ti ja kushtove punën dhe jetën tënde, lirisë së vatanit.

Me mish e me shpirt ju përkushtove luftës për liri

Së bashku me bij[të e bijat më të mira të Kurveleshit,

Punove e luftove me guximin djaloshar  e me aq trimëri

Kalorësi ynë i dijes dhe luftës, që s’ju trembe rrebeshit.

Gjithë jetën tënde shkollës dhe arsimit ja kushtove

Me dhjetëra janë brezat që kanë dalë nga dora jote,

O’ mësuesi  i thjeshtë, që me aq përkushtim punove

Nxënësit e tu  të kujtojnë me respekt, për vite e mote.

Lufta e puna juaj, janë  vlerësuar maksimalisht

“Mësues i popullit”, ky titull i lart nderi e krenarie,

Kalorësi  fisnik i dijes,  jeton  e do nderohet përjetësisht

Ky bir i nënë Fterrës , që  meritoi e mori  vlera pavdekësie.

Nderim e respekt për  jetën dhe për veprën tuaj

Për emrin  dhe nderin që i fale Fterrës tonë,

Emri  Lame Xhama  do mbetet përjetësisht i  paharruar

Fterra dhe fteriotët e tu, kurrë  s’do t’ju harrojnë.

                                                                             Feksor SHKURTI

        Tiranë, më 21.03.2009

       Shënim ;  Këto vargje i shkruan pasi përfundova së lexuari  librin e mrekullueshëm  ”Lame Xhama Mësues i Popullit”. Faleminderit  të dashur Bardhyl e Agron që nxorët në dritë  jetën dhe kujtimet e babait tuaj të nderuar, që na dhatë  mundësinë që të njihemi me jetën dhe veprimtarinë e këtij fterioti me përmasa e vlera vërtet të mëdha e  për t’u admiruar e respektuar edhe nga brezat e ardhshëm.

                                                                                                 A u t o r i